दूर दूर कुठे तरी ..

दूर दूर कुठे तरी, एका अद्न्यात स्थळी ..
हांक मारी कुणी तरी,मंतरल्या वेळी ..

भास असे का वास्तव, कळेल का ते लवकर ..
ना कळता पावले ही, चालती कशी भरभर ..
वाटते ठिकाण आता, आले अगदी जवळी ..
हांक मारी कुणी तरी, मंतरल्या वेळी ..

उत्सुकता किती वाढे, पुढे पुढे जाताना ..
आजु बाजू नजर फिरे, शोध तोच घेताना ..
कल्पनाच ही सगळी, वाटे हे नियती जुळवी ..
हांक मारी कुणी तरी, मंतरल्या वेळी ..

हांक असे प्रेमाची, अतिशय आपुलकीची ..
जाणवे ती जवळची, असावी ती स्नेहाची ..
आकर्षण इतके की, सहज ते मना जाळी ..
हांक मारी कुणी तरी, मंतरल्या वेळी ..

दूर दूर कुठे तरी, एका अद्न्यात स्थळी ..
हांक मारी कुणी तरी, मंतरल्या वेळी ..

विजय साठे ..
२६ / ०१ / २०१५