बघा कसा, पुढे पुढे मी चाललो .. 

एका दिवसांत, वर्षाने मी वाढलो ..
बघा कसा, पुढे पुढे मी चाललो ..

पुढे मागे, किती तरी चालती ..
सारे ते, माझे असती सारथी ..
त्या डोलीमधे, मी असे विसावलो ..
बघा कसा, पुढे पुढे मी चाललो ..

माय बाप, पुढे असती, दिसती ते ..
त्याच वाटेवरी, माझे मन सुखावते ..
आनंद वनी, अश्या क्षणी मी नाहलो ..
बघा कसा, पुढे पुढे मी चाललो ..

किती दीस,असा पुढती जाऊ मी ..
काय नविन, या पुढती पाहु मी ..
देवा जवळ  जाण्या, आतुर मी जाहलो ..
बघा कसा, पुढे पुढे मी चाललो ..

विजय साठे ..

०३/१२ /२०१४