जासी तू परदेशी .. 

छकुल्या सोनूल्या रे, जासी तू परदेशी ..
किती दिवसां साठी तू, अंतर आम्हां देशी ..

काळ जरी छोटा तरी, सरणे अवघड आहे ..
थोडासा हा विचार, तू ही करूनी पाहे ..
इतका तरी वेळ आतां, आहे का तुजपाशी ..
किती दिवसां साठी तू, अंतर आम्हां देशी ..

हसत हसत जा बाळा, जिथे असे ठरलेले ..

असे स्वागतांस तिथे, तारांगण भरलेले ..

चन्द्रमा तुझा असेल, तिथे आता तुजपाशी .. 

किती दिवसां साठी तू, अंतर आम्हां देशी ..

कांहीं क्षण तुला तिथे, वेगळे जरा मिळतील .. 

सहजीवन तंत्राचे, धडे तुला तिथ कळतील ..

सारे नव अनुभव ते, जपुन ठेव तुजपाशी ..

किती दिवसां साठी तू, अंतर आम्हां देशी ..

झटकुन एकांत तुझा, फडफडु दे पंख आता .. 

सुखासीन तू व्हावी, संधी तुज ही मिळता ..

एक छान ही संधी, अशी आता तुजपाशी ..

किती दिवसां साठी तू, अंतर आम्हां देशी ..

छकुल्या सोनूल्या रे, जासी तू परदेशी ..
किती दिवसां साठी तू, अंतर आम्हां देशी ..

विजय साठे ..

२९ / ०८ / २०१४