चांदणी 

आसमंत शांत शांत, किती किती हा एकांत,
अप्सराही लाजली ..
सवे रातीला घेऊन, मेघांना उलगडून,
चांदणी चमकली ..

चन्द्र कलेने  ढळला, रूपाने ओसरला,
काळोखी किती भरली ..
सवे रातीला घेऊन, मेघांना उलगडून,
चांदणी चमकली ..

दिशा काय समजेना, पायवाट गावसेना,
ती, ना अडखळली ..
सवे रातीला घेऊन, मेघांना उलगडून,
चांदणी चमकली ..

तारे असती अविचल, नक्षत्रे ही मलूल,
स्थिर जागी थांबली ..
सवे रातीला घेऊन, मेघांना उलगडून,
चांदणी चमकली ..

काळ्या पाठीवरती, उठून छान ती दिसती
चांदणी चिमुकली ..
सवे रातीला घेऊन, मेघांना उलगडून,
चांदणी चमकली ..  

विजय साठे ..
१८ / ०८ / २०१४