दव बिन्दू ..   

पहाटेचा प्रहर नवा, घेऊन ये गारवा ..
टप टपता दव बिंदू, वाटतो हवा हवा ..

ओसंडे आनंदू, चोही कडे जाणवतो ..
गवतावर, पानांवर, सारीकडे पसरतो ..
नवा रोज तरी भासे, क्षण नी क्षण बरवा ..
टप टपता दव बिंदू, वाटतो हवा हवा ..

नयनांना जाणवते, तरीही ते कळते ..
स्पर्शाने काया कशी, भारावुन जाते ..
प्रचिती याची घ्यावी, कसे कधी ठरवा ..
टप टपता दवबिंदू, वाटतो हवा हवा ..

मोहविते स्वैर अशी, भटकंती पहाटे ..
आजु बाजू छान हवा, किती हलके वाटे ..
मंत्रमुग्ध होऊनिया, स्वतःलाच हरवा ..
टप टपता दव बिंदू, वाटतो हवा हवा ..

पहाटेचा प्रहर नवा, घेऊन ये गारवा ..
टप टपता दव बिंदू, वाटतो हवा हवा ..

विजय साठे ..
१८ / ०८ / २०१४